عارفه أن انا اتاخرت عليكي معلش سامحني يومي كان طويل بس انتي خلاص بقيتي تمام عارفه انهم كسرو جناحك زي ما انا كمان اتكسرت بس تعرفي مش لازم تستسلمي لازم تخفي وترجعي تطيري تاني وانا كمان اوعدك أن مش هستسلم و هطير من هنا خالص وابداء حياة جديدة في اي مكان بعيد مع ناس جديدة لا يعرفوني ولا اعرفهم صحيح يعز عليا المكان هنا انا اللي عملت كله ده بس ما بليد حيله ثم أكملت وهي تمسح دموعها وغير مباليه بمن يسمع حديثها مع الحمامة و مستمتع بضعفها وقالت؛
-بس تعرفي انا مش فاهمة ليه بابا اختاره هو بلذات علشان يبع له المزرعة و ليه بابا ما قاليش حكاية البيع دي وياتري ايه الشرط اللي بابا حطة في الوصية ثم نظرت للحمامة بابتسامة عريضة وقالت : ما علينا شكلي اتجننت وعماله اتكلم مع حمامه المهم أن انا كمان هطير زي ما هي هطير ولكنها سمعت صوت يأتي من خلفها ويقول بثقة: =نجوم السما اقربلك من حلم انك تطيري انتي هنا تحت رحمتي وبس وملكش خلاص مني
التفت روز لمصدـ,,ـــر الصوت وقالت؛ انت ايه اللي مدخلك هنا هنا بلذات انا منعه اي حد يخش في عصافير من سلالة نادرة لو طارت هنخسر فيها كتير ولازم تكون عارف. مش علشان اشتريت المزرعة يبقي ليك الأحقية تخش اي حته في اي وقت لاء يا بشمهندس كل مكان هنا وليه وقت لزيارته اجاب ببرود تام :
– ها خلصتي كلام بصي بقا يا شاطرة انا اخش في المكان اللي يعجبني في الوقت اللي يعجبني واظن من حكم في ماله ما ظلــ,,ـــــم واتفضلي روحي غيري هدومك وشكلك الغريب ده علشان المحامي علي وصول بصراحة أنا مشفتتش حد بالمنظر و طريقة اللبس دي الفلاحين اللي شغالين في الأرض لبسين احسن من كده نظرت له روز نظرات مفعمة بلغضب وتجاهلت كلامه وتركته ورحلت
دخلت روز غرفتها ومازلت ملابسها في الحقائب لم تفرغها في الخزانه فقد اشتاقت لغرفتها و سر,,ـــــيرها وكل محتويات غرفتها فاهي كانت عاشقة لغرفتها الورديه فاهي من قامت بدهان الغرفة بنفسها وتعليق ورق الحائط المزغرف عليها أدمعت عينيها ألقت تنهديدت حزن و دخلت الحمام تغتسل وكلماته ترن في اذونها علي مظهرها الخارجي الغير مهندم فاهي فعلا لم تكن تلفتفت يوما بطريقة لبسها أو تسريحة شعرها فاهي في معظم الأوقات. رفعة عاليا ومخفي تحت كاب علي رأسها
خرجت من الحمام ورمت كلامه عرض الحائط وارتدت ملابس أخري مريحة لا تمد الانوثه باي مظهر ولم تضع علي وجهها اي نوع من مساحيق التجميل ولكن كان جمالها طبيعي من حــ,,ـــــضن الطبيعة جمال هادء خلاب يسـ,ـرق النظر دون مجهود وعلي النحو الاخر تدخل المزرعة فتاة في كامل زينتها وكأنها خارجة من عرض لافخم الازياء والاكسسوارات تتطاير منها رائحة العطر تعبق المكان تدخل بسيارتها وهي تتأفف من الحر تقابل في طريقها روز وهي تمشي علي استعجال تحدث نفسها كالعاده تنده عليها بصوت متعجرف:
انت يا يا انت اللي ماشي هناك ممكن سؤال استشاط روز أنها تحدثها بصيغة المذكر التفتت ونظرت لصاحبة الصوت وقالت وهي تزفر أنفاسها بغضب وتجز علي اسنهانها: – نعم اي خدمة يا سكر قالت صاحبة الصوت بعجرفه: = معلش انا شكلي توهت في مغارة علي بابا دي، انا عاوزة اوصل لفيلا عاصي بس بقالي ربع ساعة عماله اخش من مكان اطلع من مكان تاني وكاني في جنينة حيوانات والريحه تقرف معرفش انتم ازاي مستحملين تعيشوا هنا وسط الدبان والروائح المقرفة دي
نفخت روز بشده وقد نفذت كل ذرة صبر لديها وقالت : – حضرتك هتمشي علطول هتلاقي الفيلا في وشك اوك سلامالفصل الرابع وصلت الفتاه للفيلا و رنت الجرس فتحت لها أحدي الخادمات نظرت لها بعجرفه وقالت بقرف: -ساعة علشان تفتحي الباب اوف ا جري اندهي الست الكبيرة بسرعة جاء صوت من خلفها يقول ضاحكا: _=انتي علطول كده يا هبه متسربعة ومش طايقة نفسك ايه اللي اخرك يا بكاشه التفت هبه اللي الصوت و قالت بشبه ابتسامة:
– يووو يا خالتوا انتم ايه اللي رماكم هنا وسط الحر و الدبان و لا الريحة يا خالتوا بجد يع حاجة مقرفة فوق ما تتخيلي و الغريب بقا اصرارك أن لازم اجي. يكون في علمك لو اتجوزت عاصي استحاله اعيش هنا . = مش لما تتجوزيه الاول خدي بالك اوعي تظهري قدام عاصي انك قرفانه من المكان هنا هو بيحب هنا جدا خدي بالك من تصرفاتك انا بقالي سنه بخطط علشان ياخد باله منك و يتجوزك وانتي كل شوية بطرقتك دي تبوظي كل اللي بعمله
– لا خلاص يا خالتوا هسكت خالص بس يشوفني بقا هو مش شايفني من اصله جاء صوت ضاحك ؛ + ولا هيشوفك من اصله طول ما انتي عامله شبه العروسة الحلاوة كده التفت هبه اللي مصدـ,,ـــر الصوت وقالت: – اتصدقي انك رخمة قوي يا رنا انتي مش شايفة لبسي و شكلي عامل ازاي كل حاجة من اغلي الماركات + علي فكرة يا هبه انتي سطحية قوي عاصي اصلا مش بيفرق معاه خالص كل البهرجه اللي انتي عملها في نفسك
عاصي بيحب البساطة في كل حاجة وانتي بصراحة عاملة زي اللي خارجة من مولد النبي شبه العروسة الحلاوة ملونه من كل حته بس بصراحة مقصرتيش مش سايبة حته في وشك غير لما ملونها لا بصراحة. صرفه ومكلفه الصرف باين اتعصبت هبه وتصنعت البكاء بدلع ماسخ وذهب اللي خالتها : ،- شوفتي يا خالتوا رنا كل شوية تسمعني كلام يضايقني هو انا ذنبي ان انا احلي منها وأن انا بتحرك ولقيت العالم كله وهي زي ماهي مبتخرجش من باب الأوضه بتاعته
ابتلعت رنا غصه في قلبها و رسمت الضحكه علي وجهها وضحكت علي سطحيت بنت خالتها وذهبت بكرسيها تفتح الباب بعد أن سمعت صوت الجرس يعلن عن قدوم ضيف فتحت رنا الباب وابتسمت للضيف فكانت روز قالت بابتسامة حب: – تعالي يا روز اتفضلي اصعب شعور يمر عليك انك تستأذن في مكان قد كنت تملك مفاتيحه في يوم دخلت روز وهي تحبث دموعها فشعورها بالغربة في البيت التي تربت فيه شعور قاصي حقا دخلت وهي تجر قدمها وقد تملكها الخجل وكأنها لم تعرف هذا المكان من قبل
استشفت رنا ما اشعر به ورز وقالت لوجه ضاحك . لكي تعفيها من الحرج: – انا حاسة أن انا وانتي هنكون صحاب مقربين قوي عاوزاكي بكرة أن شاء الله تفرجيني علي المزرعة دي كلها ابتسمت روز ابتسامة لها وانحنت تقبلها وتقول لها بحب طبعا يا آنسة رنا هتكون اصدقاء وبكرة أن شاء الله اعدي عليكي ونقضي اليوم كله افرجك علي المزرعة قالت رنا بلهفة بتكلمي جد يا روز انتي فعلا هتخرجيني من سجــ,,ـــــني ده انحنت روز لمستواها وقالت
و عد مني يا رنا طول ما انا هنا محدش هيخرجك غيري و ان شاء الله اقدر اقومك من علي الكرسي المتحرك لا حظت هبه قرب الحديث المطول بين رنا والضيف قالت هبه : – خير يا رنا مين اللي جه دخلت روز علي استحياء ومازال شعور الغربه يمتلكها ابتسمت ابتسامة هادئة و ألقت التحية برأسها علي الجالسين والدت عاصي وهبه و جلست علي استحياء وعينها علي الارض تفحصتها هبه بقرف ثم اشارت بعينها لخالتها التي بدورها أشارت لها بعدم مبلاه
قالت هبه قاطعة الصمت: اه مش انت اللي انا سالتك عن مكان الفيلا صح بس انت جاي قاعد وسطينا ليه دخلت عاصي لم يتملك نفسه من الضحك علي كلام هبه وعلي مظهر روز الرجالي في ملابسها قامت روز بغيظ من كلامها و جذبت الكاب من علي رأسها وانسدل شعرها كاشلال فوق ظهرها وكان اسود مثل الليل و يصل اللي بعد منتصف ظهرها مما جعل عاصي يقف مكانه دون حركة وكأنه تحول اللي تمثال نظرت لها هبه بلا مبلاه وقالت:
+ اه سوري بنت معلش اصل بصراحة شكلك صعب ولبسك كمان صعب جد والله مع أن اللي يشوفك ويشوف طريقتك في الكلام يقول عليكي ولد ولبسك اللي تحسي انك مش عارفة لبستيه ازاي ما فيهوش اي انوثه قالت روز بثقة في نفسها: – اولا احنا متعرفناش بس ما علينا مش مشكله بصي يا سكر انا واحده بحب اللبس اللي يريحني مش مشكله رايحة فين المهم انا مرتاحة فيه ولا لاء الكارثه هنا اكون لبسة افخم ماركات و يكون اغلي ما فيا لبسي وبس ثم غمزت بعنيها ثم أكملت وقالت :
– انا اللي بغلي الحاجة و بديها قيمة مش الحاجة اللي بتغليني تمام يا سكر ثم التفت نحو عاصي و بنفس العفوية : – خير يا بشمهندس بقالي ساعة مستنية هو استاذ فؤاد قالك جاي امتي هبه في همس واضح : سوقية و بيئة اوف معرفش بيجيبوا الاشكال دي من فين التفت لها روز ورفعت حاجبها وقالت : خير قلتي حاجة يا سكر اصلي ما سمعتش قطع حديثهم صوت جرس الباب يعلن عن وصول فؤاد المحامي
دخل فؤاد وعلي وجه نفس الابتسامة التي لم يغيرها منذو سنوات وكأنها مطبوعة علي وجه دخل معه عاصي و روز غرفة المكتب وةاغلقوا الباب خلفهم وفي الخارج قالت هبه بغضب: _ هي مين البنت السوقية دي يا خالتوا ، دي معندهاش ريحة الذوق و ازاي عاصي بيتكلم معاها عادي كده تطلع مين دي دي ماشفتش أ، ب ، اتيكيت في حياتها ضحكت خالتها وقالت :
+ واحده فلاحه يا هبه منتظره منها هتكون عايشه ازاي يعني عامله ايه في نفسها فلاحه عايشه وسط البهايم وعايشه وسط الارض وسط التين هتكون لابسه لك منين يعني يا هبه ولا رايحه عندها عرض ازياء قالت رنا بقرف من نظرت هبه الطبقية : – تطلع صاحبه الهالوما دي كلها اللي احنا قاعدين فيها اللي مش عاجباكي دي يا هبه دي بتكون الدكتوره روز بنت عم رضوان صاحب المزرعه دي كلها اللي وهو اللي باع المزرعه لعاصي قبل ما يم*وت
قامت هبه واقفه وقالت بعدم تصديق: = لا بتهزري يا رنا دي دكتوره استحاله طبعا يا بنتي انت مش شايفه شكلها عامل ازاي و مبهدله ازاي دكتوره ايدي اصلا – يا بنتي بطلي سطحيه اللي انت فيها دي، انت هتفضلي لحد امتى تبصي للناس بمنظور اللي فوق ده منظور الطبقيه اللي انت عامله لنفسك ده شيلي البرواز اللي انت حاطه نفسك في وانزلي معانا علي أرض الواقع روز دكتوره بيطريه هي اللي عملت المزرعه دي كلها لوحدها هي اللي بتراعي كل الحيوانات اللي فيها بطولها ما حدش فينا يقدر اللي تعمله اللي بتعمله روز
= اه قولي كده بقى دكتوره حيوانات علشان كده شكلها عامل كده حقها بقى بصراحه طول النهار عايشه مع البقر والمعيز هنا – بصراحه يا هبه انت الكلام معاكي خساره بجد والله العظيم خساره يعني الواحد مهما هيفهم فيك بقول لك دكتوره انت معاكي شهاده ايه يا هبه وصلتي لحد فين في التعليم عشان تفضلي تبصي للناس بالمنظور ده معلش فهميني كده وفجأة أوقفا كلا من رنا وهبه عن الكلام والتفت نحو الصوت الصاعد من غرفه المكتب وفتح الباب بشده و خرجت روز من المكتب تصيح وتحدث نفسها وخرجت من الفيلا وصفعت الباب وراءها بشده
وخرج ورأها عاصي بنفس حاله الغضب وهو يوجه كلامة للمحامي ده اسمة جنان اللي بيحصل ده جنان محدش هيوافق علي الكلام الفارغ ده رفع المحامي حاجبية بقله حيلة وقال بهدوء و بنفس الابتسامه وكأنها مطبوعة فعلا : -واللهي القرار معاكم وانا تحت امركم في اي حاجة هتخدوهاالفصل الخامس خرج المحامي من باب الفيلا وعيون عاصي متابعة خطواته و هو يظفر انفاس غيظ ممزوجة بغضب اغلق عاصي الباب وراؤة والتفت ليجد عيون الكل متابعة خطواته اقتربت أمه وعلي وجهها علامات استفهام حول ما حدث وقالت:
– خير يا عاصي روز طالعة من جوا وصوتها عالي وخرجت من غير حتي ما تسلم و نفس الكلام انت طالع مش طايق نفسك فيها ايه الوصيه وصلكم للحال اكيد مش اللي كنا متوقعينه لان روز كمان مش عجبها المكتوب في الوصية وقفت هبه واقتربت منهم وقالت : – انا مش فاهمة حاجة وصيه ايه و روز دي تطلع مين أجابت رنا بتهكم: – منا قلتلك روز بتكون مين بس نقول تاني
روز دي يا ستي صاحبه كل ده والدها قبل ما يم*وت كان عليه ديون كتير علشان ميسبهمش لروز باع المزرعة لعاصي بس شرط في العقد أن انتقال الملكية ميتنقلش لعاصي غير بموافقة علي شرط موجود في وصية هو كاتبها قالت هبه متعجبة :
